ന്യൂഡൽഹി: ഹോർമൂസിൽ അമേരിക്കയുടെ ഉപരോധം തുടരുന്ന സാഹചര്യത്തിലും കടലിടുക്ക് കടന്ന് ഇന്ത്യൻ എൽപിജി ടങ്കർ. എൽപിജി സൂപ്പർ ടങ്കർ സർവ്വ ശക്തിയാണ് ശനിയാഴ്ച ഹോർമൂസ് കടലിടുക്ക് കടന്നത്. 45,000 ടൺ എൽപിജിയാണ് ടാങ്കർ വഹിക്കുന്നത്. കടലിടുക്കിൽ ഇറാനും അമേരിക്കയും ഉപരോധം തുടരുന്ന സാഹചര്യത്തിലാണ് കപ്പലിൻ്റെ സഞ്ചാരമെന്നത് ശ്രദ്ധേയമാണ്.
മറൈൻ ട്രാഫിക് ഡോട്ട്കോമിൽ നിന്ന് ലഭിക്കുന്ന വിവരം അനുസരിച്ച് മാർച്ച് മൂന്നിന് യുഎഇയിൽ നിന്ന് പുറപ്പെട്ട കപ്പൽ പശ്ചിമേഷ്യയിലെ സംഘർഷാവസ്ഥ കാരണം പേർഷ്യൻ ഉൾക്കടലിൽ കുടുങ്ങിക്കിടക്കുകയായിരുന്നു. സർക്കാർ ഉടമസ്ഥതയിലുള്ള ഇന്ത്യൻ ഓയിൽ കോർപ്പറേഷനാണ് ചരക്കുകൾ കൈമാറുന്നതെന്നാണ് റിപ്പോർട്ട്.
Leave a Reply