തൃശൂര്: മുണ്ടത്തിക്കോട് വെടിക്കെട്ടുപുര അപകടത്തില് ഒരാള് കൂടി മരിച്ചു. പട്ടാമ്പി സ്വദേശി പ്രവീണ് ആണ് മരിച്ചത്. വെന്റിലേറ്ററില് ചികിത്സയിലായിരുന്നു. ഇതോടെ അപകടത്തില് മരിച്ചവരുടെ എണ്ണം പതിനാലായി. സ്ഫോടനം നടക്കുമ്പോള് ആകെ 36 പേരാണ് വെടിക്കെട്ടുപുരയില് ഉണ്ടായിരുന്നതെന്നാണ് ജില്ലാ കളക്ടര് സ്ഥിരീകരിക്കുന്നത്. പതിമൂന്നുപേരാണ് ചികിത്സയിലുളളത്. ഇതില് അഞ്ചുപേര് ഗുരുതരാവസ്ഥയിലാണ്. രണ്ടുപേര് വെന്റിലേറ്ററിലും. ഒരാള്ക്ക് ഇപ്പോള് അടിയന്തര സര്ജറി കഴിഞ്ഞിട്ടുണ്ട്. 11 പേര് തൃശൂര് മെഡിക്കല് കോളേജിലാണ് ചികിത്സ തേടിയത്. രണ്ടുപേര് ജൂബിലി മിഷന് ആശുപത്രിയില് ചികിത്സയിലാണ്. അപകട സമയത്ത് സ്ഥലത്തുണ്ടായിരുന്ന നാലുപേരെ ഇതുവരെ കണ്ടെത്താനായിട്ടില്ല. പത്തുപേര് സുരക്ഷിതരായി വീട്ടിലെത്തി എന്നാണ് ജില്ലാ കളക്ടര് നല്കുന്ന വിവരം.
തൃശൂര് വെടിക്കെട്ടുപുര അപകടം; ഒരാള് കൂടി മരിച്ചു, മരണസംഖ്യ ഉയരുന്നു
Leave a Reply