ജോഡുകല്ല്: പൊതുസ്ഥലങ്ങളിലെ കൈയേറ്റങ്ങൾ ഒഴിപ്പിക്കാനുള്ള ഉത്തരവുകൾ നടപ്പാക്കുമ്പോൾ ഭരണകൂടങ്ങൾ ഏകപക്ഷീയമായി പെരുമാറുന്നുവെന്ന ആരോപണവുമായി ശ്രീ ഗണേശ മന്ദിരം സംരക്ഷണ കർമ്മസമിതി രംഗത്ത്. കേശവ ശിശു മന്ദിരത്തിൽ ചേർന്ന ഭക്തജന പ്രതിനിധികളുടെയും വിവിധ സംഘടനാ നേതാക്കളുടെയും യോഗത്തിലാണ് ഈ ആക്ഷേപം ഉയർന്നത്.
വർഷങ്ങളായി ആരാധന നടത്തിവരുന്ന ജോഡുകല്ലിലെ ശ്രീ ഗണേശ മന്ദിരവുമായി ബന്ധപ്പെട്ട നിർമ്മിതി ഒഴിപ്പിക്കാൻ പൊതുമരാമത്ത് വകുപ്പും ജില്ലാ ഭരണകൂടവും സ്വീകരിക്കുന്ന നടപടികൾ ഒരു വിഭാഗത്തെ മാത്രം ലക്ഷ്യമിട്ടുള്ളതാണെന്ന് യോഗത്തിൽ സംസാരിച്ച കർമ്മസമിതി അധ്യക്ഷൻ രവീശ തന്ത്രി കുണ്ടാർ അഭിപ്രായപ്പെട്ടു. കോടതി ഉത്തരവുകൾ നടപ്പാക്കുമ്പോൾ എല്ലാ വിഭാഗങ്ങൾക്കും തുല്യനീതി ഉറപ്പാക്കണമെന്നും ഏകപക്ഷീയമായ നീക്കങ്ങൾ ഒഴിവാക്കണമെന്നും അദ്ദേഹം വ്യക്തമാക്കി.
വിഷയത്തിൽ നിയമപരമായ പരിഹാരവും ന്യായമായ സമീപനവുമാണ് വേണ്ടതെന്ന് യോഗത്തിൽ പങ്കെടുത്ത വിവിധ സംഘടനകളുടെ പ്രതിനിധികൾ ആവശ്യപ്പെട്ടു. ആർ.എസ്.എസ്, ഹിന്ദു ഐക്യവേദി, ബി.ജെ.പി, ബി.എം.എസ് തുടങ്ങിയ സംഘടനകളുടെ ജില്ലാ-മേഖലാ നേതാക്കൾ യോഗത്തിൽ സംസാരിച്ചു.
Leave a Reply