കാഞ്ഞങ്ങാട്: അമ്പലത്തറ ജി.വി.എച്ച്.എസ്.എസിൽ വെച്ച് സമാപിച്ച ഹൊസ്ദുർഗ് ഉപജില്ലാ സ്കൂൾ കലോത്സവത്തിൽ കാഞ്ഞങ്ങാട് ദുർഗ ഹയർ സെക്കണ്ടറി സ്കൂൾ ഓവറോൾ കിരീടം സ്വന്തമാക്കി. വാശിയേറിയ മത്സരത്തിനൊടുവിൽ 613 പോയിന്റുകൾ വാരിക്കൂട്ടിയാണ് ദുർഗ എച്ച്.എസ്.എസ് എതിരാളികളെ ബഹുദൂരം പിന്നിലാക്കി ഒന്നാമതെത്തിയത്. 449 പോയിന്റോടെ നീലേശ്വരം രാജാസ് ഹയർ സെക്കണ്ടറി സ്കൂൾ രണ്ടാം സ്ഥാനവും, 386 പോയിന്റോടെ കോടോത്ത് എ.ജി.എച്ച്.എസ്.എസ് മൂന്നാം സ്ഥാനവും കരസ്ഥമാക്കി.
കലോത്സവത്തിന്റെ സമാപന സമ്മേളനം നീലേശ്വരം നഗരസഭാ ചെയർമാൻ പി.പി. മുഹമ്മദ് റാഫി ഉദ്ഘാടനം ചെയ്തു. ചടങ്ങിൽ ജില്ലാ പഞ്ചായത്ത് വൈസ് പ്രസിഡന്റ് കെ.കെ. സോയ അധ്യക്ഷത വഹിച്ചു. വിജയികളായ കാഞ്ഞങ്ങാട് ദുർഗ ഹയർസെക്കണ്ടറി സ്കൂൾ ടീമിന് നഗരസഭാ ചെയർമാൻ പി.പി. മുഹമ്മദ് റാഫി ട്രോഫി സമ്മാനിച്ചു.
സമ്മേളനത്തിൽ ഡോ. സി.കെ. സബിത, നാരായണൻ മാടിക്കാൽ, ടി.വി. വന്ദന, കെ. സുരേന്ദ്രൻ, പി. ജയകുമാർ, ബാബു കോട്ടപ്പാറ, പി.വി. രാജേഷ്, കെ.വി. പ്രശാന്ത് എന്നിവർ സംസാരിച്ചു.
വിഭാഗം തിരിച്ചുള്ള പോയിന്റ് നില:
- ഹൈസ്കൂൾ (ജനറൽ):
- ഒന്നാം സ്ഥാനം: ദുർഗ എച്ച്.എസ്.എസ് കാഞ്ഞങ്ങാട് (262 പോയിന്റ്)
- രണ്ടാം സ്ഥാനം: രാജാസ് എച്ച്.എസ്.എസ് നീലേശ്വരം (164 പോയിന്റ്)
- മൂന്നാം സ്ഥാനം: ലിറ്റിൽ ഫ്ളവർ ജി.എച്ച്.എസ് കാഞ്ഞങ്ങാട് (154 പോയിന്റ്)
- ഹയർ സെക്കണ്ടറി (ജനറൽ):
- ഒന്നാം സ്ഥാനം: ദുർഗ എച്ച്.എസ്.എസ് കാഞ്ഞങ്ങാട് (273 പോയിന്റ്)
- രണ്ടാം സ്ഥാനം: രാജാസ് എച്ച്.എസ്.എസ് നീലേശ്വരം (208 പോയിന്റ്)
- മൂന്നാം സ്ഥാനം: ജി.എച്ച്.എസ്.എസ് ഹൊസ്ദുർഗ് (166 പോയിന്റ്)
- യു.പി. (ജനറൽ):
- ദുർഗ എച്ച്.എസ്.എസ് കാഞ്ഞങ്ങാട്, ജി.എച്ച്.എസ് കക്കാട്ട് എന്നിവർ 78 പോയിന്റ് വീതം നേടി ഒന്നാം സ്ഥാനം പങ്കിട്ടു.
- നീലേശ്വരം സെന്റ് ആൻസ് യു.പി.എസ്, നീലേശ്വരം എം.കെ.ബി.എം യു.പി.എസ് എന്നിവർ 76 പോയിന്റ് വീതം നേടി തൊട്ടുപിന്നിലെത്തി.
- എൽ.പി. (ജനറൽ):
- ജി.എച്ച്.എസ്.എസ് പുല്ലൂർ ഇരിയ, നീലേശ്വരം ജെ.സി.സി ഇ.എം സ്കൂൾ എന്നിവർ 65 പോയിന്റ് വീതം നേടി മുന്നിലെത്തി.
Leave a Reply