ചെർക്കള: നന്മയുടെയും സേവനത്തിന്റെയും നാല് പതിറ്റാണ്ടുകൾ പൂർത്തിയാക്കി ചെർക്കള അംഗൻവാടിയിലെ ആദ്യ വർക്കർ ഇന്ദിര ടീച്ചർ ഔദ്യോഗിക ജീവിതത്തിൽ നിന്നും വിരമിച്ചു. അബുദാബി ചെർക്കള ജമാഅത്ത് കമ്മിറ്റി നൽകിയ കെട്ടിടത്തിൽ അംഗൻവാടി ആരംഭിച്ചത് മുതൽ ഇന്ദിര ടീച്ചറുടെ സേവനം ഇവിടെയുണ്ട്. ലോകത്തിന്റെ വിവിധ ഭാഗങ്ങളിൽ ഉന്നത നിലകളിൽ ജോലി ചെയ്യുന്ന നൂറുകണക്കിന് വിദ്യാർത്ഥികളുടെ പ്രിയപ്പെട്ട ‘രണ്ടാനമ്മ’ കൂടിയാണ് ഇന്ദിര ടീച്ചർ.
പ്രൗഢഗംഭീരമായ യാത്രയയപ്പ്
അംഗൻവാടി വെൽഫെയർ കമ്മിറ്റിയുടെയും ചെർക്കള പൗരസമിതിയുടെയും നേതൃത്വത്തിൽ ടീച്ചർക്ക് ഉജ്ജ്വലമായ യാത്രയയപ്പ് നൽകി. സാമൂഹ്യ-രാഷ്ട്രീയ-സാംസ്കാരിക രംഗത്തെ പ്രമുഖർ ചടങ്ങിൽ സംബന്ധിച്ചു.
- ഉദ്ഘാടനം: മുതിർന്ന രാഷ്ട്രീയ നേതാവും ചെങ്കള ഗ്രാമ പഞ്ചായത്ത് മുൻ പ്രസിഡണ്ടുമായ സി.എച്ച്. മുഹമ്മദ് കുഞ്ഞി ചായിൻ്റടി ചടങ്ങ് ഉദ്ഘാടനം ചെയ്തു.
- ഉപഹാര സമർപ്പണം: സഹപ്രവർത്തകർ സ്നേഹത്തോടെ ‘തറവാട്ടമ്മ’ എന്ന് വിളിക്കുന്ന ടീച്ചർക്ക് ചെർക്കള പൗരാവലിയുടെ ഉപഹാരം ഗ്രാമ പഞ്ചായത്ത് പ്രസിഡണ്ട് വസന്തൻ അജക്കോട് സമർപ്പിച്ചു.
ആശംസകളർപ്പിച്ച് പ്രമുഖർ
വാർഡ് മെമ്പർ ഹാരിസ് തായൽ ചടങ്ങിൽ അധ്യക്ഷത വഹിച്ചു. ചെങ്കള ഗ്രാമപഞ്ചായത്ത് വൈസ് പ്രസിഡണ്ട് ജാസ്മിൻ കബീർ ചെർക്കളം, സ്റ്റാൻഡിങ് കമ്മിറ്റി ചെയർമാൻമാരായ സി.എച്ച്. ഷുക്കൂർ ചെർക്കളം, ഇക്ബാൽ ചേരൂർ എന്നിവർ സംസാരിച്ചു.
കൂടാതെ ശാന്തകുമാരി ടീച്ചർ, മുൻ വൈസ് പ്രസിഡണ്ട് സഫിയ ഹാഷിം, ഐ.സി.ഡി.എസ് സൂപ്പർവൈസർ ഗൗരി, സാമൂഹ്യ പ്രവർത്തകരായ ബഷീർ കോലാച്ചിയടുക്കം, കബീർ ചെർക്കളം, നിസാം ചെർക്കള, നൗഫൽ ടോപ്പ്, സി.കെ. റഫീഖ്, സി.എച്ച്. റഫീഖ് ചെർക്കള, ഫൈസൽ ചെർക്കള, ഹാഷിം ഉമ്പു, അഷ്റഫ് ഇബ്രാഹിം അല്ലാമാ നഗർ തുടങ്ങിയവർ ആശംസകൾ നേർന്നു.
ചടങ്ങിൽ സി.ഡി.പി.ഒ, അംഗൺവാടി വർക്കർമാർ, ഹെൽപർമാർ, അമ്മമാർ, കുഞ്ഞുങ്ങൾ തുടങ്ങി വൻ ജനപങ്കാളിത്തം ഉണ്ടായിരുന്നു. നാസർ ചെർക്കളം സ്വാഗതം പറഞ്ഞ ചടങ്ങിൽ ഇന്ദിര ടീച്ചർ നന്ദി രേഖപ്പെടുത്തി.
Leave a Reply