തമിഴ്നാട്ടിലെ വിരുദുനഗറില് പടക്ക നിര്മാണ ശാലയിലുണ്ടായ വന് സ്ഫോടനത്തില് 21 പേര് കൊല്ലപ്പെട്ടെന്ന് റിപ്പോര്ട്ട്. വിരുദുനഗറിന് സമീപമുള്ള പടക്ക നിര്മാണ യൂണിറ്റിലാണ് അപകടമുണ്ടായത്. സ്ഫോടനത്തിന്റെ ആഘാതത്തില് ഫാക്ടറിയിലെ നാല് മുറികള് പൂര്ണമായും തകര്ന്നു. പലരും സംഭവസ്ഥലത്ത് വച്ച് തന്നെ കൊല്ലപ്പെട്ടതായാണ് പ്രാദേശിക മാധ്യമങ്ങള് പറയുന്നത്. നിരവധിപേര്ക്ക് പരിക്കേറ്റതായും റിപ്പോര്ട്ടുണ്ട്. അപകടത്തില് പരിക്കേറ്റവരെ സമീപത്തെ ആശുപത്രിയില് പ്രവേശിപ്പിച്ചു. വനജ ഫയര് വര്ക്ക് എന്ന സ്ഥാപനത്തിലാണ് സ്ഫോടനം ഉണ്ടായത്. സംഭവസ്ഥലത്ത് അഗ്നിശമന സേനയും പൊലീസും ചേര്ന്ന് രക്ഷാപ്രവര്ത്തനം നടത്തിവരികയാണ്. നിരവധിപേര് ഇപ്പോഴും കുടുങ്ങിക്കിടക്കുന്നതായാണ് വിവരം.
വിരുദുനഗറിലെ പടക്ക നിര്മാണ ശാലയില് വന് സ്ഫോടനം, 21 മരണം, നിരവധി പേര്ക്ക് പരിക്കെന്നും റിപ്പോര്ട്ട്
Leave a Reply