തൃശൂര്: മുണ്ടത്തിക്കോട് വെടിക്കെട്ട് പുരയിലുണ്ടായ സ്ഫോടനത്തില് പ്രതികരണവുമായി പ്രതിപക്ഷ നേതാവ് വി ഡി സതീശന്. തൃശൂര് പൂരത്തിന്റെ ഒരുക്കങ്ങള്ക്കിടെ പടക്ക നിര്മ്മാണ കേന്ദ്രത്തില് ഉണ്ടായ സ്ഫോടനം ഞെട്ടിക്കുന്നതും കേരളത്തെയാകെ സങ്കടത്തിലാക്കുന്നതുമാണെന്ന് വി ഡി സതീശന് പറഞ്ഞു. അപകടത്തില്പ്പെട്ടവരെല്ലാം ദിവസ വേതനക്കാരായ സാധാരണ തൊഴിലാളികളാണെന്നും പരിക്കേറ്റവര്ക്ക് വിദഗ്ദ ചികിത്സ സര്ക്കാര് ഉറപ്പാക്കണമെന്നും വി ഡി സതീശന് പറഞ്ഞു. മരണപ്പെട്ടവര്ക്ക് ആദരാഞ്ജലികള് അര്പ്പിക്കുകയാണെന്നും കുടുംബങ്ങളുടെ ദുഃഖത്തില് പങ്കുചേരുന്നുവെന്നും അദ്ദേഹം കൂട്ടിച്ചേര്ത്തു.
തൃശൂര് വെടിക്കെട്ട് പുരയിലെ സ്ഫോടനം; പരിക്കേറ്റവര്ക്ക് വിദഗ്ദ ചികിത്സ സര്ക്കാര് ഉറപ്പാക്കണമെന്ന് വി ഡി സതീശന്
Leave a Reply