തിരുവനന്തപുരം: ഹെല്മറ്റ് ഇല്ലാതെ ഇരുചക്രവാഹനങ്ങളില് യാത്ര ചെയ്തവരില് നിന്ന് സംസ്ഥാനത്ത് ഒരാഴ്ചയ്ക്കിടെ പിരിച്ചെടുത്തത് 2.7 കോടി രൂപ. പൊലീസിന്റെ സ്പെഷ്യല് ഡ്രൈവായ ‘ഹെല്മറ്റ് ഓണ് – സേഫ് റൈഡ്’ ലൂടെയാണ് ഇത്രയും രൂപ പിടിച്ചെടുത്തത്. 51,604 നിയമലംഘനങ്ങളാണ് കണ്ടെത്തിയത്. ഒരാഴ്ച നീണ്ട പരിശോധനയില് 2,70,51,150 രൂപ പിഴയാണ് ഈടാക്കിയത്.
സംസ്ഥാന വ്യാപകമായി 1,13,011 ഇരുചക്ര വാഹനങ്ങളാണ് പരിശോധിച്ചത്. മാര്ച്ച് 18 മുതല് 24 വരെയായിരുന്നു പ്രത്യേക പരിശോധന. അപകടമരണങ്ങള് വര്ധിക്കുന്ന സാഹചര്യത്തിലാണ് നടപടി. വരും ദിവസങ്ങളിലും ഹൈവേ പട്രോളിംഗ് വിഭാഗം പരിശോധന തുടരും. ആവര്ത്തിക്കുന്നവര്ക്കെതിരെ കര്ശന നടപടിയാവും സ്വീകരിക്കുക.
Leave a Reply