തൃക്കരിപ്പൂർ: ഉദിനൂരിൽ റെയിൽവേ പാളത്തിന് സമീപം പത്തൊൻപതുകാരനെ മരിച്ച നിലയിൽ കണ്ടെത്തി. മലപ്പുറം കല്ലേക്കാട് മേപ്പറമ്പ് സ്വദേശി ടി.എ. അബ്ദുൽ ഗഫൂറിന്റെ മകൻ ആദിൽ ഗഫൂർ (19) ആണ് മരിച്ചത്.
വ്യാഴാഴ്ച വൈകീട്ട് അഞ്ചുമണിയോടെ ഉദിനൂർ നടക്കാവിലെ റെയിൽവേ പാളത്തിന് സമീപമാണ് മൃതദേഹം കണ്ടെത്തിയത്. മംഗളൂരു ഭാഗത്തേക്ക് പോവുകയായിരുന്ന ട്രെയിനിൽ നിന്ന് വീണതാകാമെന്നാണ് പ്രാഥമിക നിഗമനം. വിവരമറിഞ്ഞ് നാട്ടുകാർ അറിയിച്ചതിനെ തുടർന്ന് ചന്തേര പൊലീസ് സ്ഥലത്തെത്തി തുടർനടപടികൾ സ്വീകരിച്ചു.
മൃതദേഹം ഇൻക്വസ്റ്റ് നടപടികൾക്ക് ശേഷം പോസ്റ്റ്‌മോർട്ടത്തിനായി പരിയാരത്തെ കണ്ണൂർ ഗവ. മെഡിക്കൽ കോളേജ് മോർച്ചറിയിലേക്ക് മാറ്റി. വിവരമറിഞ്ഞ് ബന്ധുക്കൾ സ്ഥലത്തെത്തിയിട്ടുണ്ട്. പോസ്റ്റ്‌മോർട്ടം നടപടികൾ പൂർത്തിയാക്കി വൈകീട്ട് ആറുമണിയോടെ പൊന്നാനിയിൽ ഖബറടക്കം നടക്കും.
വ്യാഴാഴ്ച രാവിലെയാണ് ആദിൽ വീട്ടിൽ നിന്ന് പുറപ്പെട്ടത്. പ്ലസ്ടു പരീക്ഷയിൽ മാർക്ക് കുറഞ്ഞതിനെ തുടർന്ന് ആദിൽ കുറച്ചുദിവസങ്ങളായി മാനസിക വിഷമത്തിലായിരുന്നുവെന്ന് ബന്ധുക്കൾ പറഞ്ഞു. സംഭവത്തിൽ ചന്തേര പൊലീസ് കേസെടുത്ത് അന്വേഷണം ആരംഭിച്ചു.
Leave a Reply