കാസര്കോട്: സന്ദീപ് വാര്യരുടെ തൃക്കരിപ്പൂരിലെ സ്ഥാനാര്ത്ഥിത്വത്തില് കാസര്കോട് ഡിസിസിയില് കടുത്ത അതൃപ്തി. നാളെ അടിയന്തര ഡിസിസി യോഗം ചേരും. ബാലകൃഷ്ണന് പെരിയ ഉള്പ്പെടെയുള്ള നേതാക്കള് മാധ്യമങ്ങളെ കണ്ടേക്കും. തൃക്കരിപ്പൂര് ജില്ലയില് നിന്നുള്ള സ്ഥാനാര്ത്ഥി വേണമെന്നാണ് നേതാക്കളുടെ നിലപാട്.
കാസര്കോട് ജില്ലയിലെ ഉദുമ, തൃക്കരിപ്പൂര് നിയമസഭാ മണ്ഡലങ്ങളിലെ പേരുകള് ഒഴിവാക്കിയാണ് കോണ്ഗ്രസ് ഇന്നലെ 55 സ്ഥാനാര്ത്ഥികളുടെ പട്ടിക പുറത്തുവിട്ടത്. ബിജെപിയുടെ എ ക്ലാസ് മണ്ഡലമായ വട്ടിയൂര്ക്കാവില് കെ മുരളീധരനെയാണ് കോണ്ഗ്രസ് സ്ഥാനാര്ത്ഥിയാക്കിയത്. യൂത്ത് കോണ്ഗ്രസ് സംസ്ഥാന അധ്യക്ഷന് ഒ ജെ ജനീഷാണ് കൊടുങ്ങല്ലൂരിലെ സ്ഥാനാര്ത്ഥി. പാലക്കാട് നടന് രമേശ് പിഷാരടിയെയാണ് പാര്ട്ടി സ്ഥാനാര്ത്ഥിയാക്കിയത്. തവനൂരില് മലപ്പുറം ഡിസിസി പ്രസിഡന്റ് വി എസ് ജോയാണ് സ്ഥാനാര്ത്ഥി. പാലക്കാട് ഡിസിസി പ്രസിഡന്റ് എ തങ്കപ്പന് നെന്മാറയില് നിന്നാണ് ജനവിധി തേടുന്നത്.
Leave a Reply