കോഴിക്കോട്: ലോണ് ആപ്പ് ഭീഷണിക്ക് പിന്നാലെ കാണാതായ കോഴിക്കോട് സ്വദേശി വിഷ്ണുവിനെ പയ്യന്നൂര് റെയില്വേ സ്റ്റേഷനില് നിന്നും കണ്ടെത്തി. കാണാതായി എട്ടാം നാളാണ് യുവാവിനെ കണ്ടെത്തുന്നത്. നേത്രാവതി എക്സ്പ്രസില് യാത്ര ചെയ്യുകയായിരുന്ന യുവാവ് കുടുംബത്തെ ഫോണില് വിളിച്ച് സംസാരിക്കുകയായിരുന്നു. സഹയാത്രക്കാരന്റെ ഫോണില് നിന്നും വിഷ്ണു തന്റെ സഹോദരന് അദ്വൈദിനെ വിളിച്ച് സംസാരിക്കുകയായിരുന്നു. താന നാട്ടിലേക്കില്ലെന്ന് വിഷ്ണു പറഞ്ഞു. എന്നാല് അമ്മയും മറ്റ് കുടുംബാംഗങ്ങളും നേരിടുന്ന പ്രതിസന്ധി സഹോദരന് വിഷ്ണുവിനെ അറിയിച്ചു. തുടര്ന്ന് യുവാവ് പയ്യന്നൂര് റെയില്വേ സ്റ്റേഷനില് ഇറങ്ങുകയായിരുന്നു. ഇയാള്ക്കായി ബെംഗളൂരുവിലും, മംഗലാപുരത്തും വിവിധ സംഘങ്ങളായി പൊലീസ് തെരച്ചില് നടത്തിക്കൊണ്ടിരിക്കുകയായിരുന്നു.
ലോണ് ആപ്പ് ഭീഷണിക്ക് പിന്നാലെ കാണാതായ വിഷ്ണുവിനെ കണ്ടെത്തി; സഹോദരന്റെ ഫോണിലേക്ക് കോള്
Leave a Reply