തിരുവനന്തപുരം: വീഴ്ചയില് പതറിയപ്പോള് സച്ചിന് ടെന്ഡുല്ക്കര് നല്കിയത് വലിയ പിന്തുന്നയാണെന്ന് ടി20 ലോകകപ്പ് നേടിയതിന് പിന്നാലെ നാട്ടിലെത്തിയ സഞ്ജു സാംസണ്. സച്ചിന്റെ പിന്തുണ കരുത്തായി. വേള്ഡ് കപ്പ് മാച്ചിന് മുമ്പും ശേഷവും സച്ചിന് ഫോണില് വിളിച്ചിരുന്നു. 25 മിനിറ്റ് സച്ചിനുമായി സംസാരിച്ചിരുന്നുവെന്നും സഞ്ജു പറഞ്ഞു.
നാട്ടുകാര് നല്കിയത് വലിയ പിന്തുണയാണ്. സോഷ്യല് മീഡിയയിലൂടെയാണ് ആരാധന മനസിലായത്. തോല്വിയില് നിന്നും പാഠം പഠിച്ചു. തുടര്ച്ചയായി പരാജയങ്ങള് നേരിട്ടപ്പോഴാണ് എല്ലാ ബോളും അടിച്ചു കളിക്കുന്ന ശൈലി ഒഴിവാക്കിയത്. ഒരുമാസമായി ഫോണ് ഉപയോഗിച്ചിരുന്നില്ല. രണ്ടുദിവസം വീട്ടുകാര്ക്കൊപ്പം ഇരിക്കണമെന്നാണ് ആഗ്രഹം. ഡല്ഹിയില് നാളെ വിജയാഘോഷം ഉണ്ടെങ്കില് ചിലപ്പോള് മടങ്ങിപ്പോകുമെന്നും അദ്ദേഹം കൂട്ടിച്ചേര്ത്തു.
Leave a Reply