കാസർകോട്: കാഞ്ഞങ്ങാട് – കാസർകോട് സംസ്ഥാനപാതയിലെ ബേക്കൽ റെയിൽവേ മേൽപ്പാലത്തിൽ എക്സ്പാൻഷൻ ജോയിന്റുകൾ മാറ്റിസ്ഥാപിക്കുന്ന പ്രവൃത്തി നടക്കുന്നതിനാൽ സെപ്റ്റംബർ 1 മുതൽ ഒക്ടോബർ 11 വരെ (40 ദിവസം) ഇതുവഴി ഗതാഗത നിയന്ത്രണം ഏർപ്പെടുത്തി. പൊതുമരാമത്ത് വകുപ്പ് (PWD) ബ്രിഡ്ജസ് സെക്ഷന്റെ നേതൃത്വത്തിലാണ് അറ്റകുറ്റപ്പണികൾ നടക്കുന്നത്. പ്രവൃത്തി പൂർത്തിയാകുന്നതുവരെ ഇതുവഴിയുള്ള വാഹനങ്ങൾക്ക് കർശനമായ വഴിതിരിച്ചുവിടൽ ഏർപ്പെടുത്തിയിട്ടുണ്ട്.
ബദൽ റൂട്ടുകൾ ഇങ്ങനെ:
ചെറിയ വാഹനങ്ങൾക്ക്:
- കാസർകോട് ഭാഗത്തുനിന്ന് വരുന്നവ:
- ബേക്കൽ – പനയാൽ റോഡ് വഴി ദേശീയപാതയിലേക്ക് പ്രവേശിക്കാം.
- അല്ലെങ്കിൽ മൗവ്വൽ ജംഗ്ഷനിൽ നിന്ന് പള്ളിക്കര – മൗവ്വൽ റോഡിൽ പ്രവേശിച്ച്, പള്ളിക്കര – പെരിയ റോഡ് വഴി കാഞ്ഞങ്ങാട്ടേക്ക് യാത്ര തുടരാം.
- കാഞ്ഞങ്ങാട് ഭാഗത്തുനിന്ന് വരുന്നവ:
- പള്ളിക്കര – പെരിയ റോഡിൽ നിന്ന് പള്ളിക്കര – മൗവ്വൽ റോഡിൽ പ്രവേശിച്ച് ബേക്കൽ – പനയാൽ റോഡ് വഴി യാത്ര തുടരാം.
വലിയ വാഹനങ്ങൾക്ക്:
- കാസർകോട് ഭാഗത്തേക്ക് പോകുന്നവ: കാഞ്ഞങ്ങാട് സൗത്തിൽ നിന്ന് ദേശീയപാത വഴി തിരിഞ്ഞുപോകണം.
- നീലേശ്വരം ഭാഗത്തേക്ക് വരുന്നവ: കാസർകോട് നിന്ന് പൂർണ്ണമായും ദേശീയപാത വഴി മാത്രം സർവീസ് നടത്തണം.
നിർമ്മാണ പ്രവൃത്തികൾ നടക്കുന്നതിനാൽ യാത്രക്കാർ നിർദ്ദേശിച്ചിട്ടുള്ള ബദൽ റൂട്ടുകൾ ഉപയോഗിച്ച് സഹകരിക്കണമെന്ന് പൊതുമരാമത്ത് വകുപ്പ് അസിസ്റ്റന്റ് എൻജിനീയർ അറിയിച്ചു.
Leave a Reply