ആലംപാടി: ഐക്യത്തിന്റെയും സൗഹൃദത്തിന്റെയും സന്ദേശമുയർത്തി ആസ്ക് ആലംപാടി ക്ലബ്ബിന്റെ നേതൃത്വത്തിൽ സംഘടിപ്പിച്ച ഓണാഘോഷ പരിപാടികൾ വർണ്ണാഭമായി. വിവിധ കലാ-കായിക മത്സരങ്ങളോടെ നാടിന്റെ ഉത്സവമായി മാറിയ ആഘോഷത്തിൽ നിരവധി പേർ പങ്കെടുത്തു.
ഓണാഘോഷ കമ്മിറ്റിയുടെ നേതൃത്വത്തിൽ ക്ലബ്ബ് അങ്കണത്തിൽ ഒരുക്കിയ മനോഹരമായ പൂക്കളം ഏവരുടെയും ശ്രദ്ധയാകർഷിച്ചു. തുടർന്ന് നടന്ന ചടങ്ങിൽ മധുരവിതരണവും നടന്നു.
ആഘോഷങ്ങളുടെ ഭാഗമായി കുട്ടികൾക്കായി ചിത്രരചന, പാട്ട് തുടങ്ങിയ വിവിധ കലാമത്സരങ്ങളും, മുതിർന്നവർക്കായി പ്രത്യേക വിനോദ മത്സരങ്ങളും സംഘടിപ്പിച്ചു. വാശിയേറിയ മത്സരങ്ങളിൽ ക്ലബ്ബ് അംഗങ്ങളും നാട്ടുകാരും സജീവമായി പങ്കെടുത്തു. തുടർന്ന് വിവിധ മത്സരങ്ങളിൽ വിജയികളായവർക്ക് സമ്മാനങ്ങൾ വിതരണം ചെയ്തു.
ചടങ്ങിൽ ആസ്ക് ഭാരവാഹികൾ, കമ്മിറ്റി അംഗങ്ങൾ, ക്ലബ്ബ് പ്രവർത്തകർ, നാട്ടുകാർ തുടങ്ങിയവർ സംബന്ധിച്ചു.
Leave a Reply