ഉപ്പള: മംഗൽപാടി ഗ്രാമപഞ്ചായത്തിലെ വിവിധ പ്രദേശങ്ങളിൽ തെരുവുനായ ശല്യം അതിരൂക്ഷമായ സാഹചര്യത്തിൽ അടിയന്തര നടപടി സ്വീകരിക്കണമെന്ന് ആവശ്യപ്പെട്ട് പി.ഡി.പി മഞ്ചേശ്വരം മണ്ഡലം കമ്മിറ്റി പഞ്ചായത്ത് സെക്രട്ടറിക്ക് നിവേദനം നൽകി.
മള്ളങ്കൈ, ഗുറുമ തുടങ്ങിയ പരിസര പ്രദേശങ്ങളിലും പഞ്ചായത്തിന്റെ വിവിധ ഭാഗങ്ങളിലും തെരുവുനായ്ക്കളുടെ ശല്യം കാരണം ജനജീവിതം ദുസ്സഹമായിരിക്കുകയാണ്. സ്കൂൾ-മദ്രസ വിദ്യാർത്ഥികൾ ഉൾപ്പെടെയുള്ള കാൽനടയാത്രക്കാർ രാപകൽ ഭേദമന്യേ తీవ్ర ഭീതിയിലാണ് വഴിനടക്കുന്നത്.
അക്രമകാരികളായ തെരുവ് നായ്ക്കളെ നിയന്ത്രിക്കുന്നതുമായി ബന്ധപ്പെട്ട കോടതി ഉത്തരവുകളുടെ പശ്ചാത്തലത്തിൽ, തദ്ദേശ സ്വയംഭരണ വകുപ്പ് അടിയന്തരമായി വിഷയത്തിൽ ഇടപെടണമെന്ന് നിവേദനത്തിൽ ആവശ്യപ്പെട്ടു. തെരുവുനായ വിഷയത്തിൽ അധികൃതർ പുലർത്തുന്ന നിസംഗത വെടിഞ്ഞ് നാട്ടുകാരുടെയും കുട്ടികളുടെയും സുരക്ഷ ഉറപ്പുവരുത്താൻ അടിയന്തര നടപടികൾ സ്വീകരിക്കണമെന്നും നേതാക്കൾ ആവശ്യപ്പെട്ടു.
പി.ഡി.പി മഞ്ചേശ്വരം മണ്ഡലം പ്രതിനിധികളായ അഫ്സർ മള്ളങ്കൈ, മൂസ അട്ക്ക എന്നിവരാണ് പഞ്ചായത്ത് സെക്രട്ടറിക്ക് നിവേദനം സമർപ്പിച്ചത്.
Leave a Reply