മൊഗ്രാൽ പുത്തൂർ: ഈ വർഷത്തെ ഹജ്ജ് കർമ്മത്തിനായി പുറപ്പെടുന്ന തീർത്ഥാടകർക്ക് മൊഗ്രാൽ പുത്തൂർ പഞ്ചായത്ത് 17-ാം വാർഡ് മുസ്ലിം ലീഗ് കമ്മിറ്റിയുടെ നേതൃത്വത്തിൽ യാത്രയയപ്പ് നൽകി. വാർഡ് ട്രഷറർ ഹംസ പുത്തൂർ, മുൻ വാർഡ് മെമ്പർ നൗഫൽ പുത്തൂർ, ഇസ്മായിൽ എന്നിവർക്കാണ് കമ്മിറ്റി ഊഷ്മളമായ യാത്രയയപ്പ് സംഘടിപ്പിച്ചത്.
വാർഡ് മുസ്ലിം ലീഗ് പ്രസിഡണ്ട് സി.പി. അബ്ദുല്ലയുടെ അധ്യക്ഷതയിൽ നടന്ന ചടങ്ങ് പഞ്ചായത്ത് മുസ്ലിം ലീഗ് പ്രസിഡണ്ട് അൻവർ ചേരങ്കൈ ഉദ്ഘാടനം ചെയ്തു. ഷാഫി ദാരിമി പ്രാർത്ഥനയ്ക്ക് നേതൃത്വം നൽകി. വിശുദ്ധ ഹജ്ജ് കർമ്മത്തിന് പോകുന്നവർക്ക് മഹല്ല് നിവാസികളുടെയും പാർട്ടി പ്രവർത്തകരുടെയും സ്നേഹാദരങ്ങൾ ചടങ്ങിൽ കൈമാറി.
പരിപാടിയിൽ പ്രമുഖ നേതാക്കളായ എസ്.പി. സലാഹുദ്ദീൻ, കെ.ബി. അഷ്റഫ്, മുഹമ്മദ് കുന്നിൽ, എം.എ. നജീബ്, എസ്.എം. നൂറുദ്ദീൻ എന്നിവർ പങ്കെടുത്തു. കൂടാതെ മാഹിൻ കുന്നിൽ, ബി.പി. ഖാലിദ്, മുത്തലിബ്, ഷാഫി കച്ചായി, ഹസ്സൻ കൊക്കടം, ഹംസ പുത്തൂർ, നൗഫൽ പുത്തൂർ, ഡി.എം. സലാം, ഇസ്മായിൽ, സി.എച്ച്. റഫീഖ് തുടങ്ങിയവരും സംബന്ധിച്ചു.
Leave a Reply