നാളെ നടക്കാനിരുന്ന പി.എസ്.സി പരീക്ഷ മാറ്റിവെച്ചു; പുതുക്കിയ തീയതി പിന്നീട്

തിരുവനന്തപുരം: സംസ്ഥാനത്ത് നാളെ (19/08/2026, ബുധനാഴ്ച) നടത്താനിരുന്ന കേരള പബ്ലിക് സർവീസ് കമ്മീഷൻ (പി.എസ്.സി) പരീക്ഷ മാറ്റിവെച്ചു.

പൊതുവിദ്യാഭ്യാസ വകുപ്പിലെ ഹൈസ്‌കൂൾ തയ്യൽ ടീച്ചർ (Sewing Teacher – High School) തസ്തികയിലേക്കായി നിശ്ചയിച്ചിരുന്ന ഓൺലൈൻ പരീക്ഷയാണ് മാറ്റിവെച്ചത്. സാങ്കേതിക കാരണങ്ങളാലാണ് പരീക്ഷ മാറ്റിവെക്കേണ്ടി വന്നതെന്ന് പി.എസ്.സി അധികൃതർ വാർത്താക്കുറിപ്പിൽ അറിയിച്ചു.

മാറ്റിവെച്ച പരീക്ഷയുടെ പുതുക്കിയ തീയതിയും സമയക്രമവും പിന്നീട് ഔദ്യോഗികമായി അറിയിക്കും. ഉദ്യോഗാർത്ഥികൾ പി.എസ്.സിയുടെ ഔദ്യോഗിക വെബ്‌സൈറ്റ് വഴിയുള്ള അറിയിപ്പുകൾ ശ്രദ്ധിക്കണമെന്നും അധികൃതർ വ്യക്തമാക്കി.