ചെങ്കള: സമസ്ത കേരള മദ്റസ മാനേജ്മെന്റ് അസോസിയേഷൻ (എസ്.കെ.എം.എം.എ) ചെങ്കള റെയ്ഞ്ച് കമ്മിറ്റിയുടെ ആഭിമുഖ്യത്തിൽ മെമ്പർഷിപ്പ് ക്യാമ്പയിൻ കിക്കോഫ് കൺവെൻഷനും ശൈഖുൽ ജാമിഅ ആലിക്കുട്ടി ഉസ്താദ് അനുസ്മരണവും സംഘടിപ്പിച്ചു. റഹ്മത്ത് നഗർ അൽ മദ്റസത്തുൽ ബദരിയ്യയിൽ നടന്ന പരിപാടി ജില്ലാ മാനേജ്മെന്റ് അസോസിയേഷൻ ജനറൽ സെക്രട്ടറി റഷീദ് മാസ്റ്റർ ബെളിഞ്ചം ഉദ്ഘാടനം ചെയ്തു.
മാനേജ്മെന്റ് റെയ്ഞ്ച് പ്രസിഡന്റ് എം. എം. മുഹമ്മദ് ഹാജി ചടങ്ങിൽ അധ്യക്ഷത വഹിച്ചു. ജനറൽ സെക്രട്ടറി ബി. കെ. അബ്ദുൽ ഗഫൂർ ആമുഖ പ്രഭാഷണം നടത്തുകയും അബ്ദുസ്സലാം അസ്ഹരി പ്രാർത്ഥനയ്ക്ക് നേതൃത്വം നൽകുകയും ചെയ്തു.
വിനയത്തിന്റെ പ്രതീകമായ പണ്ഡിതൻ: ആലിക്കുട്ടി ഉസ്താദ് അനുസ്മരണം
ചടങ്ങിൽ ജംഇയ്യത്തുൽ മുഅല്ലിമീൻ റെയ്ഞ്ച് പ്രസിഡന്റ് ഹാരിസ് ദാരിമി ബദിര അനുസ്മരണ പ്രഭാഷണം നടത്തി. സമസ്ത സെക്രട്ടറിയായിരുന്ന ആലിക്കുട്ടി ഉസ്താദ് പണ്ഡിത നിരയിലെ വിനയത്തിന്റെ പ്രതീകവും ചെറുപ്രായത്തിൽ തന്നെ ഉന്നത പദവികൾ കൈവരിക്കാൻ സാധിച്ച അപൂർവ്വ പണ്ഡിതശ്രേഷ്ഠനായിരുന്നുവെന്നും യോഗം സ്മരിച്ചു.
ക്യാമ്പയിൻ സമിതി അംഗങ്ങളെ തിരഞ്ഞെടുത്തു
മെമ്പർഷിപ്പ് ക്യാമ്പയിൻ പ്രവർത്തനങ്ങൾ ഏകോപിപ്പിക്കുന്നതിനായി പുതിയ സമിതി അംഗങ്ങളെ യോഗത്തിൽ തിരഞ്ഞെടുത്തു:
- എം. എം. മുഹമ്മദ് കുഞ്ഞി ഹാജി (ചെങ്കള)
- ബി. കെ. അബ്ദുൽ ഗഫൂർ (റഹ്മത്ത് നഗർ)
- എം. എ. എച്ച്. മഹ്മൂദ് ഹാജി (ചെങ്കള)
- അഷ്റഫ് ബദ്രിയ (മേനംങ്കോട്)
- ഇക്ബാൽ (ചെരൂർ)
ചടങ്ങിൽ ഹനീഫ് തങ്ങൾ ചെരൂർ, മൂസ ഹാജി ചെരൂർ, എം. എ. എച്ച്. മഹ്മൂദ് ഹാജി, അബ്ദുൽ ഖാദർ മൗലവി മേനംങ്കോട്, അഷ്റഫ് പാണലം, അഷ്റഫ് ബദ്രിയ, ഇക്ബാൽ, എം. എം. അബ്ദുൽ ഖാദർ, ഹനീഫ് ചെങ്കള, ജെർമൻ അബ്ദുല്ല തുടങ്ങിയ പ്രമുഖർ സംസാരിച്ചു.
Leave a Reply