തൃശ്ശൂർ: ഡിവൈഎഫ്ഐക്ക് പുതിയ സംസ്ഥാന നേതൃത്വം. കല്ല്യാശ്ശേരി എംഎൽഎ എം. വിജിനെ പുതിയ സംസ്ഥാന സെക്രട്ടറിയായും ചിന്താ ജെറോമിനെ സംസ്ഥാന പ്രസിഡന്റായും തിരഞ്ഞെടുത്തു. ഡിവൈഎഫ്ഐയുടെ ചരിത്രത്തിൽ ആദ്യമായാണ് ഒരു വനിത സംഘടനയുടെ സംസ്ഥാന പ്രസിഡന്റ് പദവിയിലെത്തുന്നത്. ആലപ്പുഴയിൽ നിന്നുള്ള ആർ. രാഹുലാണ് പുതിയ ട്രഷറർ.
തൃശ്ശൂരിൽ പുരോഗമിക്കുന്ന സംസ്ഥാന സമ്മേളന വേദിയിൽ എ.എ. റഹീം ആണ് പുതിയ ഭാരവാഹികളെ ഔദ്യോഗികമായി പ്രഖ്യാപിച്ചത്. പുതിയ ഭാരവാഹികൾക്കൊപ്പം 25 അംഗ സംസ്ഥാന സെക്രട്ടറിയേറ്റിനെയും സമ്മേളനം തിരഞ്ഞെടുത്തു.
മറ്റ് ഭാരവാഹികൾ
- വൈസ് പ്രസിഡന്റുമാർ:
- വി. അനൂപ്
- ആർ. ശ്യാമ
- മുഹമ്മദ് അഫ്സൽ
- ഷബീർ പി.
- നിഖിൽ ബാബു
- ജോയിന്റ് സെക്രട്ടറിമാർ:
- ഗ്രീഷ്മ അജയ്ഘോഷ്
- രജീഷ് വെള്ളാട്ട്
- ശ്യാം പ്രസാദ്
- കെ.എം. സച്ചിൻ ദേവ്
- അനുശ്രീ
സമാപന സമ്മേളനം ഇന്ന്; ‘മിസ’ നാടകം വീണ്ടും വേദിയിൽ
നാല് ദിവസമായി തൃശ്ശൂരിൽ നടന്നുവരുന്ന ഡിവൈഎഫ്ഐ സംസ്ഥാന സമ്മേളനം ഇന്ന് സമാപിക്കും. വൈകിട്ട് 4 മണിക്ക് നേതാജി ഗ്രൗണ്ടിൽ നടക്കുന്ന സമാപന സമ്മേളനം മുൻ മുഖ്യമന്ത്രി പിണറായി വിജയൻ ഉദ്ഘാടനം ചെയ്യും.
സമ്മേളന ദിവസങ്ങളിൽ വലിയ തോതിൽ സൈബർ അധിക്ഷേപം നേരിടേണ്ടി വന്ന ‘മിസ’ എന്ന നാടകം സമാപന പൊതുസമ്മേളനത്തിന് ശേഷം വേദിയിൽ വീണ്ടും പ്രദർശിപ്പിക്കും.
Leave a Reply