കാഞ്ഞങ്ങാട്: കാഞ്ഞങ്ങാട് സൺറൈസ് ആശുപത്രിയിൽ അത്യാധുനിക എഐ സാങ്കേതികവിദ്യയോടെ സജ്ജീകരിച്ച പുതിയ സിടി, എംആർഐ സ്കാനിങ് സെന്റർ പ്രവർത്തനമാരംഭിച്ചു. പുതിയ സെന്ററിന്റെ ഉദ്ഘാടനം കാഞ്ഞങ്ങാട് എം.എൽ.എ ശ്രീ. ഗോവിന്ദൻ പള്ളിക്കാപ്പിൽ നിർവഹിച്ചു.
ചടങ്ങിൽ അഡ്മിനിസ്ട്രേറ്റർ സതീഷ് നമ്പ്യാർ സ്വാഗതം ആശംസിച്ചു. ആശുപത്രി സി.ഇ.ഒ ദിലീപ് കെ.എസ് അധ്യക്ഷത വഹിച്ചു. സൺറൈസ് ആശുപത്രിയിൽ മുഴുവൻ സമയവും സേവനം ലഭ്യമായ പ്രമുഖ ഐ.വി.എഫ് (IVF) വിദഗ്ധനും മാനേജിംഗ് ഡയറക്ടറുമായ ഡോ. രാഘവേന്ദ്ര പ്രസാദിന്റെ സാന്നിധ്യത്തിലാണ് ഉദ്ഘാടന ചടങ്ങ് നടന്നത്.
കാഞ്ഞങ്ങാട്ടെ ജനങ്ങൾക്ക് അത്യാധുനികവും മികവുറ്റതുമായ ചികിത്സാ സൗകര്യങ്ങൾ ലഭ്യമാക്കാൻ സൺറൈസ് ആശുപത്രി എപ്പോഴും പുതിയ സാങ്കേതികവിദ്യകൾ നടപ്പിലാക്കാറുണ്ടെന്നും, അത് ഇവിടെ നേരിൽ കാണുന്നതിൽ വലിയ സന്തോഷമുണ്ടെന്നും ഉദ്ഘാടനം നിർവഹിച്ചുകൊണ്ട് എം.എൽ.എ അഭിപ്രായപ്പെട്ടു.
ചടങ്ങിൽ പ്രമുഖ ഗൈനക്കോളജിസ്റ്റുകളായ ഡോ. കൃഷ്ണകുമാരി, ഡോ. രമ്യ ജെ. പ്രസാദ് എന്നിവരടക്കം നിരവധി വിശിഷ്ട വ്യക്തികളും ആശുപത്രി ജീവനക്കാരും പങ്കെടുത്തു. ഓപ്പറേഷൻസ് മാനേജർ രേണുക ദേവി ചടങ്ങിൽ നന്ദി രേഖപ്പെടുത്തി.
Leave a Reply