കാസർകോട്: പെൺകുട്ടികളുടെ ആത്മവിശ്വാസവും സുരക്ഷിതത്വവും ഉറപ്പുവരുത്തുകയെന്ന ലക്ഷ്യത്തോടെ കൻസ വിമൻസ് കോളേജിൽ സ്വയം പ്രതിരോധ (സെൽഫ് ഡിഫൻസ്) പരിശീലന ക്ലാസ് സംഘടിപ്പിച്ചു. കോളേജ് ഓഡിറ്റോറിയത്തിൽ നടന്ന പരിപാടിയിൽ നിരവധി വിദ്യാർത്ഥിനികൾ പങ്കെടുത്തു.
കാസർകോട് കാറഡുക്ക സ്വദേശിയും പ്രമുഖ സെൽഫ് ഡിഫൻസ് ട്രെയ്നറുമായ ജയകുമാർ ക്ലാസിന് നേതൃത്വം നൽകി. സ്ത്രീകൾക്കെതിരെയുള്ള അതിക്രമങ്ങൾ വർദ്ധിച്ചുവരുന്ന സാഹചര്യത്തിൽ, അടിയന്തര ഘട്ടങ്ങളിൽ ഭയമില്ലാതെ സ്വയം പ്രതിരോധിക്കാൻ പെൺകുട്ടികളെ പ്രാപ്തരാക്കുക എന്നതായിരുന്നു പരിശീലനത്തിന്റെ പ്രധാന ലക്ഷ്യം.
ശാരീരിക ബലം അധികം ഉപയോഗിക്കാതെ തന്നെ അക്രമികളെ എങ്ങനെ എളുപ്പത്തിൽ കീഴ്പ്പെടുത്താം എന്നതിനുള്ള പ്രത്യേക പ്രതിരോധ തന്ത്രങ്ങളും പ്രായോഗിക രീതികളും അദ്ദേഹം വിദ്യാർത്ഥിനികൾക്ക് പകർന്നുനൽകി.
കോളേജ് പ്രിൻസിപ്പൽ ചടങ്ങിൽ സ്വാഗതം ആശംസിച്ചു. ഇത്തരം പ്രായോഗിക പരിശീലനങ്ങൾ വിദ്യാർത്ഥിനികളിൽ മാനസികവും ശാരീരികവുമായ കരുത്തും ആത്മവിശ്വാസവും വളർത്താൻ ഏറെ സഹായകരമാണെന്ന് കോളേജ് അധികൃതർ വ്യക്തമാക്കി.
സ്കൂളുകളിലോ കോളേജുകളിലോ സമാനമായ സെൽഫ് ഡിഫൻസ് പരിശീലന ക്ലാസുകൾ ആവശ്യമുള്ളവർക്ക് 9747358931 എന്ന നമ്പറിൽ ബന്ധപ്പെടാവുന്നതാണ്.
Leave a Reply