കാസർകോട്: ആഗോള താപനത്തിനെതിരെയും പ്രകൃതി സംരക്ഷണത്തിനെതിരെയും ശക്തമായ സന്ദേശവുമായി ജി-ടെക് എഡ്യൂക്കേഷൻ കാസർകോട് ശാഖ. ജൂൺ 5 ലോക പരിസ്ഥിതി ദിനത്തോടനുബന്ധിച്ച് സെന്ററിൽ വെച്ച് നടന്ന ചടങ്ങിൽ വിദ്യാർത്ഥികൾക്ക് വൃക്ഷതൈകൾ വിതരണം ചെയ്യുകയും കാമ്പസിൽ വൃക്ഷതൈകൾ വെച്ചുപിടിപ്പിക്കുകയും ചെയ്തു.
“ആഗോള താപനത്തിന് മരമാണ് മറുപടി. നമ്മുടെ മണ്ണിനെയും പ്രകൃതിയെയും സംരക്ഷിക്കേണ്ട ചുമതല നമ്മളിൽ ഓരോരുത്തരിലും നിക്ഷിപ്തമാണ്,” എന്ന് ചടങ്ങിൽ വിദ്യാർത്ഥികൾക്ക് സന്ദേശം നൽകിക്കൊണ്ട് സെന്റർ ഡയറക്ടർ കെ.വി.കെ. റാം ഓർമ്മിപ്പിച്ചു. വൃക്ഷതൈകൾ നട്ടാൽ മാത്രം പോരാ, അവയെ പൂർണ്ണവളർച്ചയെത്തുന്നത് വരെ കൃത്യമായി പരിപാലിക്കേണ്ട ഉത്തരവാദിത്വം കൂടി വിദ്യാർത്ഥികൾ ഏറ്റെടുക്കണമെന്നും അദ്ദേഹം കൂട്ടിച്ചേർത്തു.
സെന്റർ മാനേജർ ഷീജ, മാർക്കറ്റിംഗ് മാനേജർ രഞ്ജിത്ത് തുടങ്ങിയവർ പരിസ്ഥിതി ദിനാചരണ ചടങ്ങുകൾക്ക് നേതൃത്വം നൽകി. വരും തലമുറയ്ക്കായി പ്രകൃതിയെ കരുതിവെക്കാൻ ഇത്തരം പങ്കാളിത്തങ്ങൾ അനിവാര്യമാണെന്ന് ചടങ്ങിൽ പങ്കെടുത്തവർ അഭിപ്രായപ്പെട്ടു.
Leave a Reply