കാസർകോട്: ജീവിതത്തിലെ സന്തോഷനിമിഷങ്ങൾ കുടുംബത്തിന്റെ നാലുചുവരുകൾക്കുള്ളിൽ മാത്രം ഒതുക്കാതെ, ജീവകാരുണ്യ പ്രവർത്തനങ്ങളിലൂടെ സമൂഹത്തിന് മാതൃകയാവുകയാണ് ഒരു കുടുംബം.
മകൾ മുർഷിദയുടെ 9-ാം ജന്മദിനത്തോടനുബന്ധിച്ച്, രോഗികൾക്കും അശരണർക്കും ആശ്വാസമാകുന്ന വീൽചെയറിനുള്ള തുക ഷഹീദ് സൈനുൽ ആബിദ് കൾച്ചറൽ സെന്ററിന് വേണ്ടി നസീർ ആസാദ് നഗറിന് കൈമാറിയാണ് അസ്കർ–റസീന ദമ്പതികൾ പിറന്നാൾ ദിനം വേറിട്ടതാക്കിയത്. സെന്ററിന്റെ പാലിയേറ്റീവ്/സേവന പ്രവർത്തനങ്ങളുടെ ഭാഗമായി ഈ വീൽചെയർ ആവശ്യക്കാർക്ക് സൗജന്യമായി ഉപയോഗിക്കാൻ ലഭ്യമാക്കും.
തുക കൈമാറുന്ന ചടങ്ങിൽ മൊഗ്രാൽ പുത്തൂർ ഗ്രാമപഞ്ചായത്ത് ഏഴാം വാർഡ് മെമ്പർ സെമീർ, റഹ്മാൻ, അഷ്റഫ് തുടങ്ങിയ പ്രമുഖർ സന്നിഹിതരായിരുന്നു.
ആഘോഷങ്ങൾ ആഡംബരങ്ങളിലോ പൊങ്ങച്ചങ്ങളിലോ അല്ല, മറിച്ച് മറ്റുള്ളവരുടെ ജീവിതത്തിൽ പ്രകാശവും പ്രതീക്ഷയും പകരുന്നതിലാണെന്ന് തെളിയിച്ച അസ്കർ–റസീന ദമ്പതികളുടെ ഈ പ്രവർത്തനം പ്രദേശത്ത് വലിയ അഭിനന്ദനങ്ങൾക്ക് അർഹമായിരിക്കുകയാണ്.
കുഞ്ഞു മുർഷിദയ്ക്ക് ഹൃദയം നിറഞ്ഞ ജന്മദിനാശംസകൾ നേരുന്നതോടൊപ്പം ഈ മാതൃകാപരമായ ജീവകാരുണ്യ പ്രവർത്തനത്തിന് അസ്കർ–റസീന ദമ്പതികൾക്കും ആശംസകൾ നേരുന്നു.
Leave a Reply