തിരുവനന്തപുരം: എല്പിജി ക്ഷാമത്തിനിടെ തിരുവനന്തപുരം ചാലയില് ഗ്യാസ് മോഷണം. ആര്യശാലയിലെ വി എസ് ഹോട്ടലില് ഇന്ന് പുലര്ച്ചെ ആയിരുന്നു കവര്ച്ച. മോഷണത്തിന്റെ സിസിടിവി ദൃശ്യങ്ങള് പുറത്തുവന്നു. സംഭവത്തില് പോര്ട്ട് പൊലീസിന് പരാതി നല്കിയിട്ടുണ്ട്.
വെള്ള നിറത്തിലുള്ള ചാക്കുമായി എത്തിയ മോഷ്ടാവ് ഹോട്ടലിലെത്തി ആദ്യം ഫ്യൂസ് ഊരി. ശേഷം ചാക്കുകൊണ്ട് തലമറച്ച് കയ്യിലുണ്ടായിരുന്ന ടോര്ച്ചുമായി ഹോട്ടലിനകമെല്ലാം പരിശോധിച്ചു. പിന്നാലെ അടുക്കളയില് കയറി ഗ്യാസ് കുറ്റി എടുത്ത് കൊണ്ടുപോകുന്നതാണ് ദൃശ്യത്തിലുള്ളത്.
പശ്ചിമേഷ്യയില് സംഘര്ഷാവസ്ഥ തുടരുന്ന സാഹചര്യത്തില് കേരളത്തിലടക്കം എല്പിജി ക്ഷാമം രൂക്ഷമായിരിക്കയാണ്. ഇതിനിടെയാണ് മോഷണം. എല്പിജി പ്രതിസന്ധിയെ തുടര്ന്ന് സംസ്ഥാനത്ത് പലയിടത്തും ഹോട്ടലുകള് അടച്ചു പൂട്ടുകയും മെനു വെട്ടിക്കുറയ്ക്കുകയും ചെയ്തിട്ടുണ്ട്. വീട്ടാവശ്യത്തിനുള്ള ഗ്യാസ് സിലിണ്ടര് കൃത്യമായി എത്തിക്കുമെന്ന് ആവര്ത്തിക്കുന്ന കേന്ദ്ര സര്ക്കാര് വാണിജ്യ ആവശ്യത്തിന് ഉപയോഗിക്കുന്ന എല്പിജിയുടെ കാര്യത്തില് ഉറപ്പ് നല്കിയിട്ടില്ല.
Leave a Reply