മൊഗ്രാൽ പുത്തൂർ: ജനപങ്കാളിത്തം കൊണ്ടും ചർച്ചാവിഷയങ്ങളുടെ പ്രാധാന്യം കൊണ്ടും മൊഗ്രാൽ പുത്തൂർ ഗ്രാമപഞ്ചായത്തിലെ എരിയാൽ പതിനൊന്നാം വാർഡ് ഗ്രാമസഭ ശ്രദ്ധേയമായി. വാർഡ് മെമ്പർ ഫൗസിയ സൈനുദ്ദീന്റെ അധ്യക്ഷതയിൽ ചേർന്ന യോഗം ഗ്രാമപഞ്ചായത്ത് പ്രസിഡന്റ് കെ. അബ്ദുള്ളക്കുഞ്ഞി ഉദ്ഘാടനം ചെയ്തു.
വിവിധ വികസന പ്രക്രിയകളിൽ ജനങ്ങളുടെ നേരിട്ടുള്ള ഇടപെടൽ ഉറപ്പാക്കുന്നതായിരുന്നു ഗ്രാമസഭ. വ്യക്തിഗത ആനുകൂല്യങ്ങളുടെ വിതരണവും അർഹരായവരെ കണ്ടെത്തലും യോഗത്തിൽ പ്രധാന ചർച്ചയായി. കൂടാതെ, നിലവിലെ സാഹചര്യത്തിൽ ഏറെ പ്രാധാന്യമുള്ള മഴക്കാല രോഗ പ്രതിരോധ പ്രവർത്തനങ്ങൾ, വാർഡിലെ ശുചീകരണ പ്രവൃത്തികൾ എന്നിവയെക്കുറിച്ചും വിശദമായ ആസൂത്രണം നടന്നു. കുടുംബശ്രീ പ്രവർത്തനങ്ങൾ കൂടുതൽ ഊർജ്ജിതമാക്കുന്നതിനെക്കുറിച്ചും മറ്റ് പ്രാദേശിക വിഷയങ്ങളെക്കുറിച്ചും യോഗത്തിൽ നാട്ടുകാർ അഭിപ്രായങ്ങൾ പങ്കുവെച്ചു.
വിവിധ ജനപ്രതിനിധികളും ഉദ്യോഗസ്ഥരും നാട്ടുകാരും സജീവമായി പങ്കെടുത്ത യോഗത്തിൽ ഷംസുദ്ദീൻ നന്ദി രേഖപ്പെടുത്തി.
Leave a Reply