ആലംപാടി: അപകടത്തെ തുടർന്ന് ചികിത്സയിൽ കഴിയുന്ന നിർധന കുടുംബത്തിലെ യുവാവിന് ആശ്വാസമായി ആസ്ക് ആലംപാടി. ക്ലബ്ബിന്റെ ‘ജിസിസി കാരുണ്യവർഷം’ ചികിത്സാ പദ്ധതിയിൽ നിന്നും പതിനായിരം രൂപയാണ് (10,000 രൂപ) യുവാവിന്റെ ചികിത്സയ്ക്കായി കൈമാറിയത്.
ക്ലബ്ബ് ഓഫീസിൽ വെച്ച് നടന്ന ലളിതമായ ചടങ്ങിൽ ആസ്ക് ആലംപാടി ജിസിസി അംഗം മജീദ് എ. കെയിൽ നിന്നും ആസ്ക് വൈസ് പ്രസിഡന്റ് സാദിഖ് ഖത്തർ ധനസഹായം ഏറ്റുവാങ്ങി. പ്രവാസി മലയാളി കൂട്ടായ്മകളുടെയും നാട്ടിലെ ക്ലബ്ബ് അംഗങ്ങളുടെയും കാരുണ്യപ്രവർത്തനങ്ങൾ എക്കാലത്തും മാതൃകാപരമാണെന്ന് ചടങ്ങിൽ ഭാരവാഹികൾ ഓർമ്മിപ്പിച്ചു.
ക്ലബ്ബ് അംഗങ്ങളായ റഫീഖ് റൈക്, സലാം എസ്. ടി എന്നിവരും ചടങ്ങിൽ സംബന്ധിച്ചു. പ്രയാസമനുഭവിക്കുന്നവർക്ക് എന്നും തണലാകാൻ ആസ്ക് ആലംപാടിയുടെ ഇത്തരം ജീവകാരുണ്യ പ്രവർത്തനങ്ങൾക്ക് സാധിക്കുന്നുണ്ടെന്ന് നാട്ടുകാരും സാക്ഷ്യപ്പെടുത്തുന്നു.
Leave a Reply