മൊഗ്രാൽ പുത്തൂരിലെ രൂക്ഷമായ വോൾട്ടേജ് ക്ഷാമം: വൈദ്യുതി മന്ത്രി സണ്ണി ജോസഫിന് നിവേദനം നൽകി കോൺഗ്രസ്

മൊഗ്രാൽ പുത്തൂർ: പഞ്ചായത്തിലെ വിവിധ പ്രദേശങ്ങളിൽ ദിവസങ്ങളായി തുടരുന്ന രൂക്ഷമായ വോൾട്ടേജ് ക്ഷാമത്തിന് അടിയന്തിര പരിഹാരം കാണണമെന്നാവശ്യപ്പെട്ട് കോൺഗ്രസ് മൊഗ്രാൽ പുത്തൂർ മണ്ഡലം കമ്മിറ്റി വൈദ്യുതി മന്ത്രി സണ്ണി ജോസഫിന് നിവേദനം നൽകി.

മൊഗ്രാൽ പുത്തൂർ പഞ്ചായത്തിലെ ആസാദ് നഗർ, ബ്ലാർക്കോട്, അക്കരക്കുന്ന് ഭണ്ഡാര വീട്, കണ്ണൂർ വളപ്പ് തുടങ്ങിയ പ്രദേശങ്ങളിലെ നാട്ടുകാരാണ് ദിവസങ്ങളായി വോൾട്ടേജ് ഇല്ലാത്തതിനെ തുടർന്ന് കടുത്ത ദുരിതം അനുഭവിക്കുന്നത്. വീട്ടുപകരണങ്ങൾ പ്രവർത്തിപ്പിക്കാനോ രാത്രികാലങ്ങളിൽ വെളിച്ചം ഉറപ്പാക്കാനോ കഴിയാത്ത അവസ്ഥയാണുള്ളത്. ഈ സാഹചര്യത്തിൽ KSEB-യുടെ ഭാഗത്തുനിന്ന് അടിയന്തിര ഇടപെടലും പരിഹാര നടപടികളും ഉണ്ടാകണമെന്ന് നിവേദനത്തിലൂടെ കോൺഗ്രസ് നേതൃത്വം മന്ത്രിയോട് ആവശ്യപ്പെട്ടു.