കാസര്കോട്: കാറില് കടത്തുകയായിരുന്ന എം ഡി എം എയും കഞ്ചാവുമായി ബദിയഡുക്ക പൊലീസ് രണ്ടുപേരെ അറസ്റ്റു ചെയ്തു. ബദിയഡുക്ക, പെര്ഡാല, ചെന്നാറക്കട്ട ഹൗസിലെ രഞ്ജിത്ത് റൈ(36), ദക്ഷിണ കന്നഡ, സുള്ള്യ, ആലട്ടി, സംഗം നിലയത്തിലെ എസ് വി പൂജിത്ത് സാഗര് ( 29 )എന്നിവരെയാണ് ബദിയഡുക്ക പൊലീസ് ഇന്സ്പെക്ടര് ആര് പി അനൂപ് കൃഷ്ണനും സംഘവും അറസ്റ്റു ചെയ്തത്. വ്യാഴാഴ്ച വൈകുന്നേരം ആറരമണിയോടെ ബദിയഡുക്ക -മുള്ളേരിയ റോഡിലെ കന്യാന കണ്വെന്ഷന് സെന്ററിനു സമീപത്തു നടത്തിയ വാഹന പരിശോധനയ്ക്കിടയിലാണ് സംഘം പിടിയിലായത്. കാറില് നിന്നു 95.89 ഗ്രാം കഞ്ചാവും 0.36 ഗ്രാം എം ഡി എം എയും കണ്ടെടുത്തതായി പൊലീസ് പറഞ്ഞു.
കാറില് കടത്തുകയായിരുന്ന കഞ്ചാവുമായി രണ്ടുപേരെ അറസ്റ്റു ചെയ്തു
Leave a Reply