തിരുവനന്തപുരം: ബിഡിഎസ് വിദ്യാര്ത്ഥി നിതിന് രാജ് മരിച്ച സംഭവത്തില് അധ്യാപകരുടെ മുന്കൂര് ജാമ്യാപേക്ഷയില് വിധി ഈ മാസം 25-ന്. കേസില് വാദം പൂര്ത്തിയായി. ‘ദാറ്റ് ഇഡിയറ്റ് സിമ്പതിക്ക് വേണ്ടി ചാടി’ എന്ന് വകുപ്പ് മേധാവി എം കെ റാം പറയുന്നത് കേട്ടുവെന്ന് നിതിന്റെ സഹപാഠി മൊഴി നല്കിയിരുന്നു. ഡോ. റാം ഒബിസി വിഭാഗത്തില്പ്പെടുന്ന വ്യക്തിയാണ് എന്നാണ് പ്രോസിക്യൂഷന്റെ വാദം. ഏപ്രില് പതിനേഴിനാണ് ഡോ. റാമും സംഗീത നമ്പ്യാരും കേസില് മുന്കൂര് ജാമ്യാപേക്ഷ നല്കിയത്. തലശ്ശേരി ജില്ലാ സെഷന്സ് കോടതിയിലാണ് ജാമ്യാപേക്ഷ നല്കിയത്. നിതിന്റെ മരണത്തില് പങ്കില്ലെന്നും ആത്മഹത്യയ്ക്ക് കാരണം ലോണ് ആപ്പിന്റെ ഭീഷണി മൂലമാണെന്നുമാണ് അധ്യാപകര് മുന്കൂര് ജാമ്യാപേക്ഷയില് ചൂണ്ടിക്കാട്ടിയത്. സംഭവ ദിവസം പ്രിന്സിപ്പലിന്റെ റൂമില് താന് ഇല്ലായിരുന്നുവെന്നും റാം പറഞ്ഞിട്ടുണ്ട്.
നിതിന് രാജിന്റെ മരണം; അധ്യാപകരുടെ മുന്കൂര് ജാമ്യാപേക്ഷയില് വിധി 25-ന്
Leave a Reply