ചട്ടഞ്ചാൽ: എം.ഐ.സി ആർട്സ് ആൻഡ് സയൻസ് കോളേജിൽ 2026 അധ്യയന വർഷത്തെ പുതിയ ബിരുദ വിദ്യാർത്ഥികൾക്കായി സംഘടിപ്പിച്ച ത്രിദിന നവാഗത വിദ്യാർത്ഥി പരിചയപരിപാടി (ഇൻഡക്ഷൻ പ്രോഗ്രാം) വിജയകരമായി സമാപിച്ചു. ക്യാമ്പസ് അന്തരീക്ഷവുമായി വിദ്യാർത്ഥികളെ പരിചയപ്പെടുത്തുന്നതിനും അവരുടെ വ്യക്തിത്വ വികസനത്തിനുമായി വിവിധ നിർമാണാത്മക പ്രവർത്തനങ്ങളാണ് മൂന്ന് ദിവസങ്ങളിലായി ക്യാമ്പസിൽ ഒരുക്കിയത്.
ശ്രദ്ധേയമായി വിവിധ സെഷനുകൾ
വിദ്യാർത്ഥികളുടെ സമഗ്രമായ മുന്നേറ്റം ലക്ഷ്യമിട്ട് വൈവിധ്യമാർന്ന വിഷയങ്ങളിലാണ് ഇൻഡക്ഷൻ പ്രോഗ്രാമിൽ ക്ലാസുകൾ സംഘടിപ്പിച്ചത്.
- കോഴ്സുകളുടെ ഘടനയും അതിന്റെ ദൈർഘ്യവും
- റാഗിങ് വിരുദ്ധ ബോധവൽക്കരണം
- കലാ-കായിക മേഖലകളിലെ അവസരങ്ങൾ
- വിദ്യാർത്ഥികളുടെ മാനവവിഭവശേഷി വികസിപ്പിക്കുന്നതിനുള്ള നൂതന പദ്ധതികൾ
മൂല്യബോധമുള്ള തലമുറ വളരണം: പ്രിൻസിപ്പൽ ദീപ എം. കെ.
പരിപാടിയുടെ ഔദ്യോഗിക ഉദ്ഘാടനം കോളേജ് പ്രിൻസിപ്പൽ ദീപ എം. കെ. നിർവഹിച്ചു. നവാഗതരായ വിദ്യാർത്ഥികൾ കേവലം അക്കാദമിക മികവിനുപരിയായി മികച്ച വ്യക്തിത്വം, മൂല്യബോധം, സാമൂഹിക പ്രതിബദ്ധത എന്നിവയും ജീവിതത്തിൽ വളർത്തിയെടുക്കണമെന്ന് അവർ ഉദ്ഘാടന പ്രസംഗത്തിൽ ഓർമ്മിപ്പിച്ചു. ചടങ്ങിൽ കോളേജ് വൈസ് പ്രിൻസിപ്പൽ തോമസ് സർ അധ്യക്ഷത വഹിച്ചു. റംഷീദ് അർഷദി സ്വാഗതഭാഷണം നടത്തി.
എം.ഐ.സി അക്കാദമിക് കോ-ഓർഡിനേറ്റർ മുഹമ്മദ് ഫിറോസ് ഹുദവി, കൊമേഴ്സ് വിഭാഗം അസിസ്റ്റന്റ് പ്രൊഫസർ അൻവർ അബ്ദുല്ല എന്നിവരാണ് ത്രിദിന പരിപാടികൾക്ക് നേതൃത്വം നൽകിയത്. ബി.കോം സി.പി ഡിപ്പാർട്ട്മെന്റ് ഹെഡ് ഷബാന ടീച്ചർ, ഇക്കണോമിക്സ് വിഭാഗം മേധാവി ശ്രീക്കുട്ടി ടീച്ചർ, മുഹമ്മദ് റാഫി പുന്നാട്, അമീൻ തളങ്കര, ബഷീർ ഉദുമ എന്നിവർ ചടങ്ങിൽ ആശംസകൾ അർപ്പിച്ചു സംസാരിച്ചു. ഇക്കണോമിക്സ് വിഭാഗം അസിസ്റ്റന്റ് പ്രൊഫസർ ലുഖ്മാൻ എ.പി. കണ്ണൂർ നന്ദി രേഖപ്പെടുത്തി.
Leave a Reply