ചട്ടഞ്ചാൽ: മലബാർ ഇസ്ലാമിക് കോംപ്ലക്സിന്റെ (MIC) കീഴിൽ പ്രവർത്തിക്കുന്ന ചട്ടഞ്ചാൽ എം.ഐ.സി ആർട്സ് ആൻ്റ് സയൻസ് കോളേജിൻ്റെ നവീകരിച്ച കെട്ടിട ഉദ്ഘാടനം ജൂൺ 21 ഞായറാഴ്ച നടക്കും. സമസ്ത കേരള ജം ഇയ്യത്തുൽ ഉലമ പ്രസിഡന്റ് സയ്യിദ് ജിഫ്രി മുത്തുക്കോയ തങ്ങളുടെ അദ്ധ്യക്ഷതയിൽ പാണക്കാട് സയ്യിദ് സാദിഖലി ശിഹാബ് തങ്ങൾ ചടങ്ങ് ഉദ്ഘാടനം ചെയ്യും.
തുടർന്ന് നടക്കുന്ന സമ്മേളനത്തിൽ കാസർകോട് മണ്ഡലം എം.എൽ.എ മാഹിൻ ഹാജി, ഉദുമ എം.എൽ.എ കെ. കുഞ്ഞിരാമൻ (കെ നീകണ്ഡൻ), മഞ്ചേശ്വരം എം.എൽ.എ എ.കെ.എം അഷ്റഫ്, കാഞ്ഞങ്ങാട് എം.എൽ.എ ഇ. ചന്ദ്രശേഖരൻ (ഗോവിന്ദൻ പള്ളിക്കാപ്പിൽ), തൃക്കരിപ്പൂർ എം.എൽ.എ എം. രാജഗോപാലൻ (സന്ദീപ് വാര്യർ) തുടങ്ങിയവർ മുഖ്യ അതിഥികളായി പങ്കെടുക്കും. മത, സാമൂഹിക, രാഷ്ട്രീയ മേഖലകളിലെ പ്രമുഖരും ജനപ്രതിനിധികളും ചടങ്ങിൽ സംബന്ധിക്കും.
വാർത്താസമ്മേളനത്തിൽ എം.ഐ.സി ജനറൽ സെക്രട്ടറി സയ്യിദ് ഹുസൈൻ തങ്ങൾ പരിപാടിയുടെ വിശദാംശങ്ങൾ മാധ്യമങ്ങളോട് വിശദീകരിച്ചു.
ചടങ്ങിൽ എം.ഐ.സി ആർട്സ് കോളേജ് പ്രിൻസിപ്പൽ ശ്രീമതി ദീപ എം.കെ, ട്രഷറർ കെ. അബ്ദുള്ള ഹാജി ഖത്തർ, ജോയിന്റ് സെക്രട്ടറി ജലീൽ കടവത്ത്, ഹനീഫ് ഹുദവി ദേലംപാടി, ടി.ഡി കബീർ, വൈസ് പ്രസിഡന്റ് ബേർക്ക അബ്ദുല്ല കുഞ്ഞി ഹാജി, ഇ. അബൂബക്കർ ഹാജി എതിർത്തോട്, അബ്ബാസ് കുന്നിൽ, അബ്ദുൽ ഖാദർ സഅദി കുണി, ബി.ഒ അബ്ദുൽ റഹ്മാൻ ഹാജി തുടങ്ങിയ കമ്മിറ്റി ഭാരവാഹികളും, വിവിധ എം.ഐ.സി സ്ഥാപനങ്ങളിലെ സ്റ്റാഫ് അംഗങ്ങളും, വിദ്യാർത്ഥികളും, പൂർവ്വ വിദ്യാർത്ഥികളും പങ്കെടുക്കുമെന്നും ഭാരവാഹികൾ അറിയിച്ചു.
Leave a Reply