കാസർകോട്: കുമ്പളയിൽ ഓട്ടോറിക്ഷയിൽ കടത്തുകയായിരുന്ന മാരക മയക്കുമരുന്നായ എം.ഡി.എം.എയുമായി (MDMA) രണ്ടുപേരെ പൊലീസ് അറസ്റ്റ് ചെയ്തു. കാഞ്ഞങ്ങാട് അജാനൂർ വളപ്പിൽ ഹൗസിൽ സായന്ത് (29), കാസർകോട് കടപ്പുറം വടക്കേ വീട്ടിൽ ലാലു (46) എന്നിവരെയാണ് കുമ്പള സബ് ഇൻസ്പെക്ടർ (SI) പി.പി. ഷമീലും സംഘവും ചേർന്ന് പിടികൂടിയത്.
ചൊവ്വാഴ്ച പുലർച്ചെ ഒരു മണിയോടെ കുമ്പള ജുമാമസ്ജിദിന് സമീപം വെച്ചായിരുന്നു അറസ്റ്റ്. സംശയാസ്പദമായ സാഹചര്യത്തിൽ വന്ന ഓട്ടോറിക്ഷ തടഞ്ഞുനിർത്തി പൊലീസ് സംഘം പരിശോധന നടത്തുകയായിരുന്നു. പരിശോധനയിൽ ഇവരിൽ നിന്ന് 0.260 ഗ്രാം എം.ഡി.എം.എ കണ്ടെടുത്തു. പ്രതികൾ സഞ്ചരിച്ച ഓട്ടോറിക്ഷയും പൊലീസ് കസ്റ്റഡിയിലെടുത്തിട്ടുണ്ട്. പ്രദേശത്ത് ലഹരിവിൽപ്പനയും കടത്തും തടയുന്നതിനായി പൊലീസ് പരിശോധന ശക്തമാക്കിയിരിക്കുകയാണ്.
Leave a Reply