കോഴിക്കോട്: പൊലീസ് ഉദ്യോഗസ്ഥനെ അധിക്ഷേപിച്ചും ഭീഷണിപ്പെടുത്തിയും ഒട്ടേറെ ക്രിമിനല് കേസുകളില് പ്രതിയായ അര്ജുന് ആയങ്കിയുടെ ഫേസ്ബുക്ക് പോസ്റ്റ്. അര്ജുന് ആയങ്കിയെ കോതമംഗലം റിസോര്ട്ടില് നിന്നും കസ്റ്റഡിയിലെടുത്ത സര്ക്കിള് ഇന്സ്പെക്ടര്ക്കെതിരെയാണ് ഭീഷണി. പെന്ഷന് വാങ്ങി ജീവിക്കാന് അനുവദിക്കില്ലെന്നും ജീവിതം താറുമാറാക്കിയ നിന്നോട് യുദ്ധം പ്രഖ്യാപിച്ചിരിക്കുന്നുവെന്നും കുറിപ്പിലുണ്ട്.
‘ഞങ്ങളനുഭവിച്ച ഈ നിയമവിരുദ്ധ അധികാര ദുര്വിനിയോഗ പ്രതികാര നടപടി ഇനിയൊരാള്ക്കും നേരിടേണ്ടി വരരുത്. നിന്നെപ്പോലുള്ള കാക്കിയിട്ട ചെന്നായ്ക്കളെ നിയമപരമായും, പോലീസ് ബുദ്ധിയില് നിയമത്തിന്റെ കണ്ണിപൊട്ടിച്ച് രക്ഷപ്പെട്ടാല് കായികപരമായും നേരിടാന് ഞങ്ങള് തയ്യാര്. നീയും നിന്റെ ഡിപ്പാര്ട്ട്മെന്റും ഭരണപാര്ട്ടിയുടെ ഒത്താശയോടെ ഇനിയുമെന്നെ ദ്രോഹിക്കുമെന്നെനിക്കറിയാം. യുദ്ധപ്രഖ്യാപനം നീയടങ്ങുന്ന സിസ്റ്റത്തിനെതിരെയല്ല, ഈ സിസ്റ്റത്തിലെ കൈക്കൂലിയും കൂട്ടിക്കൊടുപ്പും കൊട്ടേഷനും നടത്തി ചിരിച്ചുകൊണ്ട് നിരപരാധികളുടെ ജീവിതം നശിപ്പിക്കുന്ന പുഴുകുത്തുകളായ നിന്നെപോലുള്ള ക്രിമിനലുകള്ക്കെതിരെയാണ്’, എന്നും കുറിപ്പിലുണ്ട്.
‘പെൻഷൻ വാങ്ങി ജീവിക്കാൻ അനുവദിക്കില്ല’; പൊലീസ് ഉദ്യോഗസ്ഥന് നേരെ അർജുൻ ആയങ്കിയുടെ ഭീഷണി
Leave a Reply