കൊച്ചി : തെരഞ്ഞെടുപ്പ് വോട്ടിങ് യന്ത്രത്തിലെ തന്റെ പേര് മാറ്റണമെന്ന് ആവശ്യപ്പെട്ട് തൃപ്പൂണിത്തുറയിലെ എന്ഡിഎ സ്ഥാനാര്ത്ഥി അഞ്ജലി നായര് ഹൈക്കോടതിയില്. അഞ്ജലി പി വി എന്നാണ് വോട്ടിങ് യന്ത്രത്തില് രേഖപ്പെടുത്തിയിരിക്കുന്നത്. അത് അഞ്ജലി നായര് എന്ന് മാറ്റാന് നിര്ദ്ദേശം നല്കണമെന്നാണ് ഹര്ജിയിലെ ആവശ്യം. അഞ്ജലിയുടെ ഹര്ജി നാളെ പരിഗണിച്ചേക്കും.
തെരഞ്ഞെടുപ്പ് പത്രികയില് താന് അഞ്ജലി പി വി എന്ന പേരാണ് ഉപയോഗിച്ചിരിക്കുന്നതെങ്കിലും പൊതുജീവത്തിലും ചലച്ചിത്ര മേഖലയിലും തന്റെ പേര് അഞ്ജലി നായര് എന്നാണെന്നും സ്ഥാനാര്ത്ഥി ചൂണ്ടിക്കാണിച്ചു. തെരഞ്ഞെടുപ്പ് പ്രചാരണം നടത്തിയതും പോസ്റ്ററുകളടിച്ചതുമെല്ലാം ആ പേരിലാണ്. എന്നാല് വോട്ടിങ് യന്ത്രത്തില് അഞ്ജലി പി വി എന്നാണുള്ളത്. ഇത് തനിക്ക് വോട്ടു ചെയ്യാനെത്തുന്നവരില് ആശയക്കുഴപ്പമുണ്ടാക്കുകയും അര്ഹമായ വോട്ട് നഷ്ടപ്പെടുത്തുകയും ചെയ്യുമെന്നും അഞ്ജലി പറഞ്ഞു.
Leave a Reply